طريقة تحضير المحسوشي

المكونات لعمل اتنين رول محسوشي :

1/2 كيلو رز ابيض منقوع
– 1/2 حزمة شبت
– 1/2 حزمة بقدونس
– 1/5 حزمة كزبرة
– ملح وفلفل
-زجاجة صلصة طماطم النوع المتاح عندكم
– 1/4 كيلو ورق عنب او حوالي ٣٠ ورقة
– دبس رمان
– 1/4 كيلو لحمة متقطعه علي شكل صوابع
– جزرة
– فلفل اخضر حامي(حسب الرغبة).

طريقة التحضير:

اولا نقوم بوضع الخضرة مع الارز ونضع عليها قليل من   الملح والفلفل الاسود وصلصلة الطماطم ونقوم بتقليب جميع المكونات معا جيدا
ثم نضيف المكونات في إناء عميق ونسكب فوقهم ماء مغلي حتي نغطى الخليط ونتركه علي نار هادية حتي ينضج
في إناء آخر نضع الماء المغلي ونضع فيها ورق العنب ونسلقه في الماء لمدة خمس دقايق، وننزل عليه بشبكة حتى نغطسة في الماء ونكون مقطعين الجزر صوابع بالطول و نحطها في نفس المية تاخد لها سوا لمدة من 2الي 3 دقائق.
.بعد ذالك نقوم بتشويح اللحمة لمدة من 2الي3 دقائق بملح وفلفل وقليل من الزيت ونرفعها من علي النار ونروح نلف رول المحسوشي بتاعنا.
نأتي بي حصيرة سوشي ونضع عليها كيس بلاستيك مفرود ولو مش موجودة حصيرة السوشي ممكن نعملها بالكيس البلاستيك فقط
نقوم بفرد ورق العنب بتاعنا علي شكل مربع ونمسحه بمنديل عشان ننشفه من المياة الزيادة وننزل عليه بطبقة من الرز تكون متساوية وبعد كده في الجانب القريب مننا نقوم بوضع الجزر والفلفل الاخضر الحراق واللحمة بتاعتنا ونلف الرول بتاعنا واحنا ضاغطين علي المكونات عشان نلمهم جوا اول لفة ونسحب الكيس بتاعنا واحنا بنلف عشان ميتلفش معانا وكل لفة نلفها نضغط علي الرول كويس عشان التماسك بتاع الرول يكون عالي،
لحد ما الرول كله يتلف علي بعضه نضغط عليه ضاغطة اخيرة ونشيل الكيس والحصيرة بتاعتنا ونقطعه بسمك حوالي اتنين سنتي او علي حسب الرغبة وبس كده شوية دبس رمان علي جانب واستمتعوا باحلي والذ محشي ورق عنب علي طريقة السوشي بمجهود اقل كتيرمن الي بيتعمل في ورق العنب،