مكرونة محمرة باللحمة علي طريقة جدتي

وصفة حلوة من الايام الحلوة، حاجة كده من ريحة الحبايب، مساء الطعامة واللذاذة.

المكونات:

1كيلو مكرونة مرمرية او خواتم صغيرة
– 1ب كيلو لحمة
– 2 ملعقه سمنة بلدي
– 2 حبه طماطم مقطعه
– 2 حبه فلفل رومي مقطع
– 1 بصلة مقطعة
– ملح وفلفل حسب الرغبة
– 1عود قرفة سيجار
– ورق لورى
– 3 حبات حبهان
– 1لتر ونص مية مغلية تقريباً.

طريقة التحضير.

اولا نقوم بوضع معلقتين من السمنة البلدي في حلة سخنة ونضع عليهم اللحمةونشوحها جيدا حتي تخرج كل المياه الموجودة فيها وتتبخر جزء منها،
وبعد ذالك نضع المكرونة علي اللحمة ونحمرها جيداً حتى يصبح لونها ذهبي مع التقليب طبعاً عشان اللون يتوزع عليها كلها،
ثم نضيف بعد ذالك الخضار وهو الطماطم والفلفل الرومي والبصل ثم نقوم بوضع البهارات بتاعتنا القرفة وورق اللوري و الحبهان،
ثم نقوم بتقليب جميع المكونات معاً جيداً تقليبه منها فيها حتى تتجانس جميع المكونات مع بعضيها، وبعد ذالك نقوم بوضع الماء السخنة عليها حتى نغطي كل المكونات(مثل  الرز ) وبعد ذالك نترك الحلة علي نار وسط لمدة ربع ساعة، بعد الربع ساعة المكرونة هتكون استوت واحلوت وتقدروا تغرفوها في الاطباق الي تحبوها وتاكلوها وتنبسطوا .