مقشرة البيكنج بودر الكوري بمكونات طبيعية في المنزل
مقشرة البيكنج بودر الكوري بمكونات طبيعية في المنزل
اكيد في كتير مننا سمع عن سكراب البكينج بودر الكوري وفوايده للبشرة, في ازالة الرؤوس السودا, وتنضيف المسام بعمق, تقشير البشرة والتخلص من خلايا الجلد الميت, وتفتيح البشرة, علاج حب الشباب, وبما ان السكراب ده مش دايما متوفر , النهاردة هقولكم طريقة عمل مقشر البيكنج بودر بمكونات طبيعية في البيت, وهنعرف طرق تانية كمان لاستخدام البكينج بودر لجمال بشرتك
طريقة عمل مقشر البيكنج بودر الكوري:
مقشر البيكنج بودر.
نخلطي معلقتين من البيكنج بودر مع معلقتين من الشوفان, ونعجنهم مع بعض بالماء لحد ما يتكون عندك خليك سميك, رطبي بشرتك بالماء وحطي الخليط على البشرة ودلكيها في حركات دائرية من 3 الي 4 دقائق وبعدين اغسليها بالماء, والمقشر ده ينفع للوش وللجسم كله
غسول البيكنج بودر.
ممكن تستخدميه كغسول ودا بخلط معلقتين من البيكنج بودر مع معلقة ماء دافي وقلبيهم مع بعض, رطبي وشك بالماء ودلكيه بالخليط في حركات دائرية, وبعدها اغسلي بشرتك بماء دافي, وبعدها بماء باردة او مرري مكعب ثلج على بشرتك عشان تقفلي المسام
تفتيح البشرة.
اولا اخلطي معلقتين من البيكنج بودر مع معلقة من عصير الليمون وكام نقطة من زيت الزيتون, وزعي الخليط على البشرة, وسيبيه 10 دقايق وبعدين اغسليه بالماء
علاج حب الشباب.
نخلط البكينج بودر مع الماء الدافي لحد ما يتكون عندك معجون سهل الفرد على البشرة, وزعيه على بشرتك وسيبيه 10 دقايق, وبعدين اغسليه بالماء, الوصفة دي هتساعد على تخفيف التهاب الحبوب وازالة الرؤوس السودا
علاج حروق الشمس.
نخلط كمية من البيكنج بودر مع الماء البارد بحيث ان الخليط يكون عندنا سائل, هاتي قطعة قطن اغمسيها في الخليط واعملي كمادات على المناطق اللي بتعاني فيها من حروق الشمس
تنعيم القدمين.
هاتي طبق كبير ضعي فيه قليل من الماء الدافئ بحيث تغطي الرجل, وضيفي لها فنجان من البيكنج بودر, وانقعي رجلك فيها لحد ما تلاقي المية بردت, طلعيها واستخدمي الحجر او مبرد القدمين عشان تتخلصي من كل الجلد الميت, بعدها نشفيها وادهنيها بكريم مرطب قوي, الوصفة هتساعد على تنضيف وتنعيم القدمين بشكل كبير جدا
