زيت شجرة الشاي

زيت شجرة الشاي من انواع الزيوت الفعالة جدا في التخلص من مشاكل الجلد المختلفة لانه مضاد للجراثيم ومضاد للفطريات ، وبيساعد في التخلص من حب الشباب ، وفي كتير من الدراسات اثبتت فعاليته ، والنهاردة هنقولك طريقة عمل غسول زيت شجرة الشاي في البيت بسهولة واللي تقدري تستخدميه للتخلص من حب الشباب
طريقة عمل انوع مختلفه من غسول زيت شجرة الشاي.

غسول زيت شجرة الشاي وجل الصبار.

يتكون الغسول من
– ½ كوب من جل الصبار.
–و من  10 إلي 15 نقطة من زيت شجرة الشاي.
– ¼ كوب عسل نحل.

طريقة تحضير والاستخدام الغسول:

1- اخلطي كل المكونات مع بعض كويس ، وصبي الخليط في ازازة بمضخة عشان تقدري تاخدي منه بسهولة ، وكده يبقى الغسول عندك جاهز  على الاستخدام.
2- طريقة استخدامة بسيطة جداً بلي وشك بالماء وخدي كمية من الغسول على ايدك دلكي بيها البشرة في حركات دائرية خفيفة لمدة دقيقة ، بعدها اشطفي وشك بالماء الباردة.
3- استخدمي الغسول ده مرتين في اليوم  حتى تحصلي على نتائج فعالة.

فوائد الغسول:

العسل بيساعد في التخلص من التصبغ ، والصبار بيساعد على ترطيب البشرة ومنع الجفاف ، والغسول لان يسبب اي جفاف للبشرة لانه مش بيحتوي على رغوة

غسول زيت شجرة الشاي وزيت الخروع.

يحتوي الغسول دا علي
–من  15 إلي 20 نقطة من زيت شجرة الشاي.
– ¼ كوب زيت خروع.
– ½ كوب من زيت الجوجوبا

طريقة تحضير واستخدام الغسول:
1- نخلط كل الزيوت مع بعضها ، ونصبها في برطمان للاستخدام.
2- بلي بشرتك بالماء وخدي من 4 إلي 5 نقط من الغسول ، ودلكي البشرة في حركات دائرية خفيفة لمدة دقيقة ، وبعدين امسحي الغسول من على البشرة بمنديل.
3- استخدمي الغسول ده مرة واحدة في اليوم.

فوايد الغسول:
الغسول ده مفيد جدا للبنات اللي بيعانوا من جفاف الجلد ، وتقدري كمان تستخدمي الغسول ده كمزيل مكياج فعال جدا ، هيساعدك في التخلص من المكياج وعلاج حب الشباب كمان ، زيت الجوجوبا بيساعد على تنعيم البشرة ، وزيت الخروع بيساعد بشكل كبير في تجديد شباب البشرة

غسول زيت شجرة الشاي وزيت اللافندر:
يتكون الغسول دا من
– 10 نقط من زيت شجرة الشاي.
– 5 نقط من زيت اللافندر.
– ¼ كوب من صابون الغارابشرية وسيحيه في حمام ماء ساخن.
– ¼ كوب ماء ورد.
– 1 معلقة كبيرة من جل الصبار.

طريقة التحضير والاستخدام الغسول:
1- نخلط كل المكونات مع بعضها كويس جدا ، ونصب الخليط في ازازة بمضخة.
2- بلي وجهك بالماء ، وخدي كمية من الغسول على ايدك دلكي بيها البشرة في حركات دائرية خفيفة لمدة دقيقة ، وبعدها اشطفي البشرة بالماء البارد.
3- استخدمي الغسول ده مرتين في اليوم.

فوايد الغسول:
الغسول ده بيحتوي على رغوة لانه بيحتوي على صابون الغار ، ويعتبر منظف فعال للبشرة المعرضة لحب الشباب ، زيت اللافندر بيحتوي على خصائص مضادة للالتهابات ، وبيساعد على تهدئة البشرة المتهيجة وتقليل الاحمرار والبثور