برجر الجمبري

المكونات:

-1/2 كيلو جمبري
–  1/4 كوباية دقيق
– ملح و فلفل اسود
– عيش كيزر

مكونات الصوص:

1/4 كوباية ليمون
– 1 كوب كريمة
– 2 معلقة زبدة
-2 معلقة دقيق

طريقة التحضير:

اولا نقوم بفرم الجمبري بتاعنا بالسكينة فرمة كويسة، وبعد كده نحط عليه الدقيق والملح والفلفل  ونعجن كل المكونات بتاعتنا في قلب بعضها ونعمل منها اربع كور ونفرد كل كورة علي شكل البرجر علي ورق زبدة ونغطيها بورق زبدة ونحطها في الفريزار لمدة نص ساعة ونروح نعمل صوص الليمون.
نقوم بوضع الزبدة في كسرولة ونستني عليها لحد ما تاخد لون بني جميل ومتتحرقش وننزل عليها بالكريمة وملح وربع كوباية عصير الليمون ونستني المكونات توصل للغليان وننزل عليها بالدقيق ونقلب كويس بمضرب البيض لحد ما المكونات كلها تحب بعضها ونرفعهم من علي النار.
نطلع البرجر بتاعنا من الثلاجة ونحط عليه شوية دقيق وننزل بيه علي مقلاية سخنة لحد ما لونه يبقي ذهبي علي الوشين ونرفعه من المقلاية ونبدأ نحضر السندوتش بتاعنا، نقطع العيش بتاعنا ونحمص الجزء الداخلي منه علي اي شواية عندنا وبعد كده ننزل عليه بمعلقة صوص ليمون، و وررق خس وجرجير وشرايح بصل وطماطم وننزل بالبرجر الجميل بتاعنا الي احنا عملناه وبعد كده معلقة صوص ليمون تانية ونقفل العيش بتاعنا وبالهنا والشفا، حاجة كده قمة في الطعامة واللذاذة، هتدقوها هتحبوها وهتعملوها كل شوية.